e-mail me 
പ്രസീദ പത്മവൈരുദ്ധ്യങ്ങളുടെ
ധ്രുവനിവാസികള്‍ നമ്മള്‍...
ജാഗ്രദ്‌,സ്വപ്ന,കാമ,ക്കാമനകളി
രുചിഭേദങ്ങളില്‍പ്പോലും
സമാന്തരപാതകള്‍....
തമ്മില്‍ക്കാണാതെ
സമയ,സൗകര്യ രേഖകള്‍ക്ക്‌
അപ്പുറ,മിപ്പുറം പുലരുന്നോര്‍..
ജന്മാന്തരമൊരപൂര്‍വ്വ സുകൃതത്തിന്‍
തരള,ത്താമരവളയത്താ
ലപ്പോഴും ബന്ധിതര്‍...
നിദ്രാര്‍ദ്രം നിന്റെ രജനികള്‍
വാര്‍ത്തപ്പെരുമഴയുടെ
തുലാപ്പകലെനിക്ക്‌....
നിര്‍ന്നിദ്ര,മെന്റെ പുലരികള്‍
വിറകടു-പ്പൂതിക്കത്തിക്കും
വിയര്‍പ്പണി മണിക്കൂറുകള്‍ നിനക്ക്‌....
ഇനിയെങ്ങനെ
'നമ്മിലൊരാളിന്റെ നിദ്രയ്ക്കു
മറ്റേയാള്‍കണ്ണിമചിമ്മാതെ കാവല്‍ നില്‍ക്കും'..?
അരികില്‍ നീ
ഹിന്ദോളം,കാദംബരി
അകലത്തായാല്‍
സൗമ്യ,സമ്മോഹന നിലാംബരി...
നീയണഞ്ഞാലതു മഴ,പുതുമഴ
പ്രണയോന്മാദപ്പൊരുളേറ്റും
ഞാറ്റുവേലക്കുളുര്‍ മഴ.....
നീയുഷസ്സാവുക..!
നഭസ്സായ്‌
ഞാനാ,സുഷമയില്‍
പാല്‍ക്കാവടിയാടാം..!!..
