e-mail me 
പ്രദീപ്‌ രാമനാട്ടുകര
പിറന്നന്നുതൊട്ടേയെടുക്കുന്നു ജീവന്‍
വെടിഞ്ഞങ്ങുപോകാനുമാവാഞ്ഞതെന്തേ
തിരിച്ചെത്തുമെന്നോ നിനച്ചു നീ വീണ്ടും
ബലം തന്ന സ്‌നേഹസ്സഹോദരസ്‌പര്‍ശം
നടുക്കുന്നൊരീഭ്രാന്ത വേഗപ്രവാഹം
നിലയ്‌ക്കുന്നനേരം നിനക്കെന്റെ നെഞ്ചിന്‍
തുടിയ്‌ക്കുന്ന താളത്തുടിപ്പൊന്നു കേള്‍ക്കാം
പിടയ്‌ക്കുന്ന സ്‌നേഹക്കുതിപ്പൊന്നു കാണാം
ഉടല്‍നോക്കിമാത്രം അളക്കുന്നു ലോകം
അകത്തുള്ള നിന്നെയടച്ചിട്ടു പണ്ടേ
ഇടത്തും വലത്തും വകഞ്ഞിട്ടു മെല്ലെ
രുചിക്കുമ്പൊഴൊക്കെ വിളിച്ചു നീയെന്നെ
തുണയ്‌ക്കായിനോക്കിക്കിതച്ചപ്പൊഴൊന്നും
ഇടം കിട്ടിയില്ലാ മനസ്സില്‍ വചസ്സില്‍
എനിക്കാരുനീയെന്ന ചോദ്യം മുളയ്‌ക്കും
മിഴിക്കുള്ളില്‍ നിന്നോ വിളിക്കുന്നു പെങ്ങള്‍
കവിയുടെ വിലാസംപ്രദീപ് രാമനാട്ടുകര
അറിവ്‌
രാമനാട്ടുകര തപാല്‍
കോഴിക്കോട്‌ 673633
courtesy to illus. wetcanvas
